Tryggingastofnun ríkisins
Miklar umræður hafa staðið meðal eldra fólks undanfarin ár um lífeyriskerfið og þá sérstaklega samspil lífeyrissjóðanna og almannatrygginga, en það er byggt á tekjutengingum. Eftir því sem tekjur fólks til dæmis úr lífeyrissjóðum hækka, minnka lífeyrisgreiðslurnar sem það fær frá Tryggingastofnun ríkisins og falla jafnvel niður. Þetta eru hinar svokölluðu „skerðingar“ í kerfinu. Hér verður fjallað um lífeyrisgreiðslur almannatrygginga, en íslenska lífeyriskerfið hvílir á þremur stoðum.
- Almnnatryggingar
- Lífeyrissjóðum
- Séreignarsparnaði eða viðbótarlífeyrssparnaði.
Almannatryggingarnar eiga samkvæmt lögum að tryggja að allir Íslendingar 67 ára og eldri fái eftirlaun. Það flækir hins vegar málið svolítið að lífeyriskerfið íslenska er það nýtt, að það er ekki fullþroska. Enn er á vinnumarkaði fólk sem á ekki fullan lífeyrisrétt, en framtíðarsýnin er að allir vinnandi menn í landinu muni borga í lífeyrissjóði frá upphafi til loka starfsferils síns og öðlast þannig full réttindi í lífeyriskerfinu.
Að fara á eftirlaun og sækja um ellilífeyri
